Pantun Sasak (Lelakak)

Lelakak (Pantun) Sasak Banyak sekali macamnya, seperti Lelakak Bajang (pantun anak muda), Lelakak Anak-anak, Lelakak Bebonyean, Lelakak agama dan lain-lain. Berikut adalah contoh pantun (lelakak) Sasak :

1.     Lelakak Nasehat

Mun belayang leq tembere

Kapek paok siq tetolang

Mun sembahyang dek temele

Sanget laloq siq tejogang

Kelak manis daun ketujur

Manggis katak araq sepempang

Epen tangis leq dalem kurbur

Tangis awak saq deq uah sembahyang

Ampet ampet kadu kipas daun kesambik

Saq tebau leq taman sedin lendang

Apik apik gamaq ntan pade jagak diriq

Sengaq mangkin jamane  saq uah jogang

Endaq girang lepas sampi ngaro

Leq sedin pelepe lueq laloq uletne

Endaq gamaq girang lepas uni bawo

Mun bakat ate sekat laloq  oatne

Mun bebante Sembalun Bumbung

Dasan telage langante jok Rinjani

Lamun mate ndeq teburung

Ngumbe care adek te bakti

2.     Lelakaq Anak Anak

Bau paku leq sedin oloh

Jari kandoq mangan tengari

Pacu-pacu pade sekolah

Jari sangunte lemaq mudi

Impan bembeq siq daun waru

Pelembah polak leq dese  Pujut

Leman kodeq te pade pacu

Uahte toaq jari penurut

Sei rengge jeruk manis

Jeruk manis leq atas langan

Sai wede kanak nangis

Kanak nangis mele mangan

Jelo Senen te juan buaq

Jelo ahad tejuan apuh

Lamunte genem jaq araq juaq

Lamunte sagaq deq araq angkuh

Pempang ere tekadu kaliq lungkak

Batang mitaq tepiaq jari pemanju

Moge- moge araq gamak kesukaq

Kanak Sasak niki sayan pacu

3.     Lelakaq Bebajangan

Kayuq timus ariq jari warangke

Kayuq mamben ariq jari pengkaliq

Sangkak ngemus ariq tegitaq beraye

Mule angen ariq mele merariq

Buaq asem begerintang

Kayuq aden begeririk

Jelo malem begeringsang

Selung angen deq baun pirik

Talet bunga arik leq bawaq bila

Taliq paku arik siq penyalin

Munne meni arik si idap rase

Sarian aku bae arik sitekawin

Kayuk paok jeri belide

Sangkur moto ji impan kedit

Leman jaok kenangku side

Bebonto bangket paranku side

Kayuk waru jari apit

Buak are si  buek tumpah

Mun bebalu jari penyakit

Selung dedare bengku susah

4.  Lelakaq Bebonyean

Mun belauk sikut bedaye

Talet gadung dendeq-dendeq

Munku mauk si pade waye

Tanggep gandrung gorok bembek

Lalo meken leq jarian

Bau tanaq impan jangkrik

Leteng lalok idap tian

Melet boye jangger ngencik

Lolon renggak jari tali

Lolon belimbing sedin langan

Lamun  erak sejari jari

Pokok ngibing jangke bian

Munte belayang sedin ilir

Bau tebu leq pejanggik

Lamun wayang leq dalem kelir

Beu tekadu pengaji dirik

Ungkah gadung leq dese temiling

Ungkah kenokak leq bawak bune

Uah kedung ketungkulan ngibing

Jengkene pede lupaq anak senine

5.      Lelakaq Agama

Bubut kerete dese lenek

Anak gagak kembang sandat

Idup mate urusan Nenek

Endak lupak bace syahadat

Mun belacu tepiak selane

Bunge putek masih laloq kuncup

Silaq tepacu turut pituah agame

Sampunte si pade masih idup

Lek punie direk arak beringin betandan

Lek pengengat arak pempang mitak

Leq dunie niki taokte ngiring betaletan

Leq akherat jemak tiang iring matak

Luek guntur Leq gumi deye

Ujan deq araq, angin doang rere

Lueq batur lupak agame

Lantaran keselaq siq lingon dunie

Suran bian sugul elek jebak

Demen kelemak tulak jok berene

Pengajian bilang lembuq lembaq

Laguk dek tesimak dek arak gunene

Sumber : Sumber : Bahan Ajar Muatan lokal gumi sasak untuk SD/MI Kelas VI oleh H. Sudirman dkk.

503_C

Baca  Juga Semua Tentang Sasak Lombok pada Link Berikut :

Posted on February 4, 2013, in Adat Sasak and tagged , , , , , . Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: